Mesfushori defensiv, Met Millaku nuk do të jetë për një periudhë nën urdhrat e trajnerit Ismet Munishi.
Skuadra e Dukagjinit, ka njoftuar të enjten se Millaku do të qëndroj jashtë fushe për disa muaj për shkak të operimit, të cilin tashmë e ka kaluar me sukses.
Millaku ka pësuar lëndim të rëndë në klavikulë gjatë seancës stërvitore dhe patjetër i është dashur të operohet, ndërsa te Dukagjini presin që 26-vjeçari t’iu ndihmoj në arritjen e objektivave kur të rikuperohet plotësisht.
Millaku këtë sezon ka shënuar 1 gol në gjashtë paraqitje në Superligë, ndërsa skuadra e Dukagjinit zë vendin e shtatë në tabelë me 14 pikë të mbledhura pas 12 ndeshjeve të luajtura.
Këtë vikend, Dukagjini luan në Klinë kundër Feronikelit ’74 në kuadër të xhiros së 13-t të elitës së futbollit kosovar.
