Sulmuesi i Kombëtares së Shqipërisë, Armando Broja është pranë kthimit në fushën e lojës.
Broja në ditën e fundit të afatit kalimtar u huazua nga Chelsea tek Evertoni, por ende nuk ka debutuar me ekipin e ri për shkak të lëndimit që e pësoi në fazën përgatitore me londinezët.
Në fakt, Broja është rikthyer në stërvitje dhe po punon me intensitet të lartë për të qenë plotësisht i gatshëm për lojë.
Te skuadra e Evertonit po shpresojnë që sulmuesi 24-vjeçar të aktivizohet për ndeshjen në udhëtim kundër West Ham Unitedit që luhet më 9 nëntor dhe i takon xhiros së 11-t të kampionatit anglez.
Broja ka kontratë me Chelsean deri në vitin 2028 por është i huazuar për një vit tek Evertoni, ekip që ka opsionin e blerjes së tij në verë për 20 milionë euro.
