Maqedonci: Prodhuesit turq të armatimit do të jenë adresë e Kosovës për blerje

Ministri i Mbrojtjes, Ejup Maqedonci, gjatë vizitës zyrtare në Turqi, ka zhvilluar disa takime me drejtuesit e Agjencisë së Industrisë të Mbrojtjes së Turqisë, si dhe me prodhues të sistemeve ushtarake.

Në njoftimin e Ministrisë thuhet se, atje Maqedonci ka theksuar se prodhuesit e sistemeve të armatimit nga Turqia kanë qenë dhe do të jenë ndër adresat shtetërore më të shpeshta të blerjeve të armatimit nga Kosova.

Po ashtu, bëhet e ditur se në këto takime ministri Maqedonci është njohur dhe informuar me inovacionet e fundit në fushën e industrisë së mbrojtjes dhe të mbrojtjes së hapësirës ajrore./teve1.info/