Kleriku turk, Fethullah Gulen, të cilin Ankaraja e ka akuzuar se qëndronte pas puçit të dështuar ushtarak më 2016, ka vdekur në moshën 83-vjeçare në Shtetet e Bashkuara, ku ai jetonte. Kështu ka raportuar televizioni publik i Turqisë dhe një ueb-faqe e lidhur me Gulenin.
Gulen ndërtoi një lëvizje të fuqishme islamike në Turqi dhe në shtete të tjera të quajtur Hizmet, por i kaloi vitet e fundit si person që u akuza se kishte orkestruar grusht shtetin e dështuar ndaj presidentit turk, Recep Tayyip Erdogan.
Turqia i referohet lëvizjes Hizmet me akronimin FETO (Organizata Terroriste Fethullaiste) dhe kjo lëvizje është e shpallur terroriste në SHBA.
Gulen kishte mohuar akuzat se kishte orkestruar puçin e vitit 2016, kur u vranë afër 250 persona.
Herkul, një ueb-faqe që publikon predikimet e Gulenit, shkroi në X se ai kishte vdekur të dielën mbrëma në një spital ku po trajtohej.
Gulen ka jetuar në mërgim të vetëimponuar në SHBA që nga viti 1999. Më 2017, atij iu hoq shtetësia turke.
Tüm ömrü Türkiye Cumhuriyeti’ne kumpas kurmakla geçen, vatan haini, din düşmanı terörist Fetullah Gülen öldü. pic.twitter.com/YAKu21MXiC
— TRT Haber Canlı (@trthabercanli) October 21, 2024
