Një person është rrahur mesditën e së premtes nga dy persona tjerë në afërsi të Gjykatës Themelore në Pejë.
Lajmin për tëvë1.info e ka konfirmuar zëdhënësi i Policisë për rajonin e Pejës, Fadil Gashi.
Ai ka thënë se viktima është dërguar për tretman mjekësor në spitalin rajonal të Pejës, ndërsa të dyshuarit të cilët ishin larguar nga vendi i ngjarjes tashmë janë arrestuar dhe po intervistohen lidhur me rastin.
“Rreth orës 12:30 policia është njoftuar se në afërsi të Gjykatës Themelore në Pejë në rrugë është një rrahje. Policia ka dalë në vendin e ngjarjes dhe ka takuar viktimë e lënduar. I njëjti është dërguar për tretman në spitalin rajonal të Pejës. Të dyshuarit janë larguar nga vendi i ngjarjes, mirëpo pas pak kohe i ka arrestuar dhe të njëjtit po intervistohen”, thuhet në përgjigjen e Gashit./teve1.info/
