Salihu theksoi se edhe Kroacia e ka paditur Serbinë për krime të gjenocidit por nuk ka pasur sukses për ta argumentuar.
“Ngritja e aktakuzës për krime të luftës dhe krime në përgjithësi, në këtë rast te krimet e gjenocidit kjo nuk ka ganrancë se qind për qind do të ketë sukses. Edhe Kroacia e ka paditur Serbinë për krime të gjenocidit por nuk ka pasur sukses për ta argumentuar. Mirëpo me vetë faktin që është ngritur kjo çështje dhe me vetë faktin që bënë përpjekje për ngritjen e një akuze kundër gjenocidit mendoj që e ka edhe efektin e vet pozitiv, efektin brenda kombëtar por edhe ndërkombëtar për shkak se Bashkësia Ndërkombëtare do të shikojë se këta njerëz e kanë një arsye shumë të rëndësishme që i hynë kësaj pune”, tha ai.
Salihu sonte në Tëvë1 ndër të tjera bëri të ditur se vendimi i Gjykatës Ndërkombëtare të Drejtësisë mund të jetë një favor për ngritjen e një akuze kundër Serbisë për krime të gjenocidit në Kosovë.
“Pasi që të gjitha krimet që janë kryer në Kosovë nga forcat serbe janë edhe të fotografuara, të incizuara dhe për atë arsye erdhi edhe deri të intervenimi i aleancës më të madhe ushtarake të botës për ta ndalë krimin e mëtejshëm të gjenocidit dhe të krimeve të luftës kështu që në këtë aspekt unë mendoj se asgjë nuk do të humbim nëse nuk arrijmë sukses me një aktgjykim të plotfuqishëm”, shtoi ai.