Më shumë se një vit punime në Urën e Badocit, që nuk është as një kilometërshe, por ende është e pafinalizuar. Banorët e zonës shprehen se kjo urë është dashur të përfundoj brenda javës.
Shenjëzimet për punimet janë vendosur kaherë. Edhe pse, jo gjithë kohës punohej.
Ura e Badocit, pësoi edhe ndryshime në projekt, e tek para pak javësh u vendosën pilotat për bazamentin e urës.
Që nga muaji prill i vitit të kaluar është funksionalizuar ky devijim i rrugës, shkak i punimeve në urë. Gjë e cila, banorët e kësaj zone thonë se në vazhdimësi po u shkakton telashe në komunikacion.
Ky devijim i rrugës, krijon edhe kolona të gjata.
Shkaku i terenit të vështirë, edhe shpejtësia e automjeteve zvogëlohet.
E gjithë kjo situatë po shihet si e panevojshme, për një urë që do duhej të ndërtohej brenda javës.
“Qe gati një motmot qashtu është. Aty vijnë një – dy punëtorë, punojnë, ajo rrinë qashtu. Ura vet s’ndërtohet. Ajo për pesë – gjashtë ditë ish ndërtu, e u bë një motmot hala s’u ndërtu”, thotw Zemir Ademi, banor.
Zvarritja e punimeve dhe finalizimit të urës, konsiderohet si rezultat i asaj se me sa përgjegjësi është trajtuar nga niveli qendror.
“Ura e Badocit është vonu pak, po Qeveria i ka këto punë në dorë, do sene mundet ma shpejtë me i kry, kontratat kur i lidhë mundet me i bo ma t’mira, ma me përgjegjësi, por sigurisht edhe kompanitë i marrin ma me seriozitet këto punë, shprehet Hamit Krasniqi një tjetër banor.
Për ndërtimin e urës në rrugën nacionale Prishtinë – Gjilan, kontratë e re u nënshkrua në muajin shtator të këtij viti me shumën që e tejkalon 46 mijë euro.
