Banorët e lagjes së “Muhaxherëve” vazhdojnë të kenë probleme me infrastrukturë. Rruga “Jashar Salihu” po u shkakton telashe të mëdha. Nga Komuna e Prishtinës thonë që së shpejti do të nisin punimet në atë pjesë.
Disa herë në ditë detyrimisht kalon në rrugën “Jashar Salihu” në lagjen e “Muhaxherëve” në Prishtinë.
Por, sa herë që i bije këndej, Shaip Dushullovci, thotë ka probleme në veturën e tij.
“Mund të ndodh që mos me ekzagjeru më shumë se dy ose tri herë kam rënë këtu me veturë. Dmth problemet që i kam në veturë janë për shkak të kësaj rruge. Na jemi tatim pagues të kësaj komune dhe faktikisht nuk po na bëhet zgjidhje) 02:01 –02:11 (Realisht kjo ka qenë e asfaltuar por për shkak të ndërtimeve ka pasur edhe probleme me rrugë. Normalisht që edhe ndërtuesit kur kanë punu disa prej tyre nuk e kanë sanu këtu rrugën”, tha Shaip Dushullovci- banor
Të njëjtin hall e ka edhe Kenan Bllaca.
“Problemet më të mëdha i kemi me rrugë për momentin, kemi shumë telashe tjera që janë premtuar që nuk janë kryer. Por për momentin kemi telashe me rrugë. E keni parë edhe vet sidomos tash kur ka reshje shiu mbulohen gropat vjen dikush, mundet me rënë në gropë se nuk mundet me pa prej shiut”, shprehet ai.
Për këtë, Komuna e Prishtinës po premton zgjidhje.
“Drejtori i Investimeve Kapitale dhe Menaxhimit të Kontratave ka qenë në vizitë në lagjen e “Muhaxherëve” dhe tani kanë filluar punimet në rregullimin e infrastrukturës rrugore në këtë lagje.
Punime do të ketë po ashtu edhe për rregullimin e asfaltit në rrugën “Jashar Salihu’”, thuhet nga komuna
Ndërkohë, punime ka pasur edhe në rrugën e lagjen “Emshir”, me ç’rast janë sanuar problemet.
Për problemin atje, kishte raportuar tëvë1.
