Bashkimi i Sindikatave të Pavarura të Kosovës – BSPK, ka shprehur shqetësim ndaj mos ekzekutimit të pagave për muajin shtator.
Sipas BSPK-së, kjo situatë ka krijuar një gjendje të papranueshme për dhjetëramijëra punonjës të sektorit publik, të cilët janë lënë pa të ardhurat e tyre mujore, duke vënë në rrezik mirëqenien e tyre dhe të familjeve të tyre, raporton teve1.info
Në komunikatë thuhet se BSPK-ja kërkon që Ministria e Financave dhe institucionet të bashkëpunojnë ngusht për të gjetur një zgjidhje të qëndrueshme dhe të parandalojnë përsëritjen e situatave të tilla në të ardhmen.
Ndërsa, kryetari i BSPK-së e ka konsideruar të pa pranueshme që në këtë kohë të vështirë eknomike punonjësit të mbeten pa paga.
“Bashkimi i Sindikatave të Pavarura të Kosovës – BSPK shpreh shqetësimin e thellë dhe indinjatën ndaj mosefikasitetit të Qeverisë së Kosovës për mos pagesën e pagave për muajin shtator. Kjo situatë ka krijuar një gjendje të papranueshme për dhjetëramijëra punonjës të sektorit publik, të cilët janë lënë pa të ardhurat e tyre mujore, duke vënë në rrezik mirëqenien e tyre dhe të familjeve të tyre. Kryetari i BSPK-së, Prof. dr. Atdhe Hykolli, deklaroi: “Është e papranueshme që në këtë kohë të vështirë ekonomike, punonjësit të mbeten pa paga për shkak të dështimeve administrative dhe mungesës së përgjegjësisë nga ana e Qeverisë. Kërkojmë urgjentisht që Qeveria të marrë masa të menjëhershme për të zgjidhur këtë situatë dhe të sigurojë që pagat të ekzekutohen pa vonesa të mëtejshme.” – thuhet në komunikatë.
Sipas BSPK-së, nëse kjo situatë nuk zgjidhet menjëherë, BSPK-ja do të shqyrtojë të gjitha opsionet ligjore dhe sindikale për të mbrojtur të drejtat e punonjësve
“BSPK-ja kërkon që Ministria e Financave dhe institucionet përkatëse të bashkëpunojnë ngushtë për të gjetur një zgjidhje të qëndrueshme dhe të parandalojnë përsëritjen e situatave të tilla në të ardhmen. Nëse kjo situatë nuk zgjidhet menjëherë, BSPK-ja do të shqyrtojë të gjitha opsionet ligjore dhe sindikale për të mbrojtur të drejtat e punonjësve.Bashkimi i Sindikatave të Pavarura të Kosovës mbetet i përkushtuar për të mbrojtur interesat e punonjësve dhe për të siguruar që të drejtat e tyre të respektohen në çdo kohë.” – thuhet më tej.
