Kampioni në fuqi i Anglisë, Manchester City të mërkurën, ka konfirmuar lëndimin e rëndë të mesfushorit spanjoll Rodri.
Rodri ka lënduar ligamentet e gjurit të dielën e shkuar në ndeshjen derbi të Premier Leagues kundër Arsenalit, duel që përfundoi me shifrat 2:2.
Sipas njoftimit të Cityt, shkalla e plotë e lëndimit nuk është saktësuar, sikurse edhe periudha se sa do të mungoj Rodri.
Megjithatë, sipas mediumeve angleze, Rodri pritet të mungoj gjatë dhe gjasat janë të mëdha që e ka humbur sezonin.
Rodri, vlerësohet ndër lojtarët kryesor të ekipit që drejtohet nga Pep Guardiola, ndërsa këtë sezon ka regjistruar tri paraqitje në të gjitha garat.
28-vjeçari është pjesë e Cityt prej vitit 2019 dhe ka kontratë valide deri në verën e vitit 2027.
