Sa i përket vizitës në Kosovë ai ka thënë se kishin dy detyra: e para për ta falënderuar Kosovën për pranin e refugjatëve afganë si dhe e dyta për t’i dhënë mesazhin e fortë udhëheqësisë së re të Kosovës, me presidenten Vjosa Osmani dhe Albin Kurti, siç e quan ai nga një aktivist i kthyer në kryeministër.
Murphy në shkrimin e publikuar në ueb faqen e tij, ka thënë se Kosova dëshiron të anëtarësohet në BE e NATO, por ka përmendur “që kjo të ndodhë, Serbia dhe Kosova duhet të arrijnë një marrëveshje në të cilën të dyja të njohin ekzistencën legale të shtetit tjetër”.
Ai ka kritikuar dy qeveritë që nuk kanë bërë sa duhet, ndërsa qeverinë e Kosovës e ka quajtur kokëfortë në vazhdimin e bisedimeve.
“Një dialog drejt këtij qëllimi është në proces, por si qeveria serbe ashtu edhe ajo e Kosovës nuk kanë bërë përparim të mjaftueshëm dhe së fundmi, qeveria e Kurtit ka qenë veçanërisht kokëfortë në vazhdimin e bisedimeve”, ka shkruar ai.
Përveç Kosovës senatorët amerikanë ka vizituar Serbinë dhe Bosnjë Hercegovinën.
