Skuadra e Barcelonës ka marrë një goditje të rëndë në start të sezonit, pasi ka mbetur pa portierin Marc-Andre ter Stegen, i cili ka pësuar lëndim të rëndë në ndeshjen e fundit.
Në fakt, Ter Stegen u detyrua të lëshoj fushën me barelë në fitoren e Barcelonës 5:1 në udhëtim te Villarreali në kuadër të xhiros së pestë të La Ligas spanjolle.
Ter Stegen u lëndua derisa kërceu në ajër për të kapur një top brenda zonës dhe mbeti i shtrirë në tokë, duke konfirmuar lëndimin e tij të rëndë.
Barcelona ka njoftuar se Ter Stegen të hënën i është nënshtruar operimit dhe pritet të qëndroj jashtë fushe për një kohë të gjatë.
Edhe pse Barcelona nuk saktësoi kohën e mungesës së tij, mediumet spanjolle kanë raportuar se Ter Stegen e ka përfunduar sezonin para kohe.
Sipas medieve në Spanjë, Ter Stegen do të mungoj të paktën për tetë muaj dhe nuk do të jetë në gjendje të rikthehet në fushë deri në fund të muajit prill.
Mungesa e portierit 32-vjeçar do të ndihet te Barcelona, sidomos këtë sezon pasi katalunasit kanë startuar furishëm duke i fituar të gjitha gjashtë ndeshjet e luajtura deri më tani këtë sezon.
Ter Stegen edhe kapiten i Barcelonës dhe këtë sezon ka regjistruar 7 paraqitje në të gjitha garat.