Shefi i Grupit Parlamentar të PDK-së, Abelard Tahiri pas mbledhjes së Kryesisë së Kuvendit, ka thënë se edhe në një vjetorin e sulmit në Zveçan të Banjksës vitin e kaluar, Kosova vazhdon me qenë nën saksione.
Më tej, ai tha edhe pse dihet që njerëzit që kanë kryer sulmin e 24 shtatorit janë të afërt me presidentin serb, Serbia asnjë ndëshkim të vetëm nuk e ka marrë.
Tahiri i PDK-së, tha se është mirë që jemi në fund të mandatit të Qeverisë Kurti, dhe vitin tjetër ai tha se me Bedri Hamzën, vendi do të jetë pa sanksione, e prioritet do të jenë qytetarët.
“Fatkeqësisht dëmet për Kosovën vazhdojnë të jenë të mdhaja, vendi vazhdon në sanksione, e Serbia vazhdon të amnistohet. Vetëm një gjë e mirë është këtu jemi në fund të mandatit, dhe vitin e ardhshëm, kandidati për kryeministër nga radhët e PDK-së, Bedri Hamza do ta nxjerrë Kosovën nga sanksionet dhe nga kjo humnerë. Do të ketë agjendë zhvillimore, agjendë që do ta ketë prioritet koston e qytetarit dhe do vazhdojë ta nxjerrë Kosoven nga sanksionet”, shtoi tutje shefi i grupit parlamentar të PDK-së.
Për Abelard Tahirin, Kosova do të ketë qeverinë e udhëhequr nga Bedri Hamza në zgjedhjet e 9 shkurtit të vitit të ardhshëm.
“Kosova pas 9 shkurtit do ta ketë nje qeveri te re, të udhëhequr nga Bedri Hamza. Kjo qeveri dhe ky kryeministër e kanë humbur kredibilitetin, e humbur besimin e miqve”, tha tutje ai.
