Erik ten Hag i ka mbyllur ata që urrejnë Manchester Unitedin, duke pretenduar se njerëzit gjithmonë do të duan që ata të humbasin.
Trajneri i United beson se i takon skuadrës që të ketë sukses dhe të ndryshojë situatën në klub.
“Ata gjithmonë duan që Man United të dështojë. E vetmja mënyrë që ne mund ta ndryshojmë këtë jemi ne”, ka thënë fillimisht Ten Hag.
“Ne e dimë se duhet të fitojmë dhe kur nuk fitojmë, gjithmonë do të ketë kritika dhe ne duhet të merremi me këtë”.
“Por kur i bëjmë gjërat siç duhet, ne kemi besim”, përfundoi trajneri holandez.
Ndryshe, Djajtë e Kuq luajnë sot (e shtunë) në udhëtim te Crystal Palace me fillim nga ora 18:30.
