Renault Master ka marrë çmimin e tij “Furogni i vitit” në ceremoninë ndërkombëtare të furgonit të vitit 2025 (IVOTY) gjatë ceremonisë së IAA Transportation në Hanover më 16 shtator.
Sipas një njoftimi, ai u zgjodh unanimisht nga një panel ekspertësh që përfaqësojnë 25 vende evropiane.
Siç thuhet më tej, juria ishte e impresionuar me dizajnin e ri të plotë dhe nivelet e larta të inovacionit dhe teknologjisë së zhvilluar për gamën e re Master, e cila përmban aerodinamikë të avancuar, përdorshmëri të shtuar dhe efikasitet të shtuar, hapësirë, siguri dhe rehati.
Këtyre thuhet se i është shtuar edhe platforma e re modulare që strehon motorët me naftë, elektrikë dhe hidrogjen, të cilat plotësojnë kriteret për programin e çmimeve.
“Ky është një shpërblim i mrekullueshëm dhe një nderim i vërtetë për të gjitha ekipet që punuan në këtë projekt. Master është një shembull i përsosur i asaj që i ka bërë të mahnitshme automjetet e Renault për më shumë se 120 vjet: ato janë inovative,… dhe të dizajnuara për t’u përshtatur në mënyra praktikisht të pafundme dëshirave individuale të secilit prej klientëve tanë”, ka thënë Heinz-Jürgen Löw, SVP, nga Renault Brand, Light Commercial Vehicles.
Renault Master i ri është i pesti nga furgonët e markës që fiton këtë titull të spikatur, pas Renault Master II (IVOTY 1998), Renault Trafic II (IVOTY 2002), Kangoo Z.E (IVOTY 2012) dhe Kangoo Van III (IVOTY 2022).
