Dy persona të armatosur grabisin 3 mijë euro në një pompë derivatesh në Klinë

Policia e Kosovës, ka njoftuar se të martën ka ndodhur një grabitje e armatosur, në një pompë të derivateve në fshatin Voljak të Klinës.

Në raportin e policisë thuhet, se dy persona të maskuar nën kërcënimin e armës AK-47, kanë grabitur 3 mijë euro dhe më pas janë larguar në drejtim të panjohur.

Sipas policisë, rastin e kanë raportuar dy punëtorë, por që të njëjtit sipas raportit nuk kanë pësuar lëndime.

“Dy viktimat meshkuj kosovarë kanë raportuar se derisa kanë qenë duke punuar në pompën e derivateve, dy të dyshuar të maskuar, nën kërcënimin e armës AK-47 u kanë grabitur 3000 euro dhe janë larguar në drejtim të panjohur. Nuk raportohet për të lënduar”, thuhet në njoftim./teve1.info/