Dy vjet burgim me kusht dhe 9 mijë e 500 euro gjobë është dënuar nga Gjykata Themelore, Sllobodan Miletiq, për sulmin gjatë protestave të majit 2023 ndaj KOFR-it dhe Policisë së Kosovës.
Ai akuzohej për dy vepra penal, “Sulm ndaj personit zyrtar” dhe “Pjesëmarrje në turmë që kryen vepër penale dhe huliganizëm”.
Avokati, Ardian Bajraktari, ka thënë Gjykata, përkatësisht Prokuroria në dënimin e shqiptuar ka marrë parasysh disa rrethana lehtësuese e që një nga to është pranimi i fajësisë nga i akuzuari.
Ai ka thënë së për veprën penale “Sulm ndaj personit zyrtar” dënimi është nga 1 deri 8 vjet burgim, ndërsa për veprën e dytë “Pjesëmarrje në turmë që kryen vepër penale dhe huliganizëm”, është nga 6 muaj deri në 5 vjet burgim apo edhe dënim me gjobë.
“Sulm ndaj personi zyrtar ngarkimi me këtë vepër bazuar në faktin se sulmi ka qenë ndaj zyrtarëve të Policisë së Kosovës dhe KFOR, ndëshkushmëria e kësaj vepre, për atë se çfarë akuzohej Miletiq është nga 1 deri në 8 vite burgim, mirëpo duhet të kemi parasysh faktin se gjykata përkatësisht prokuroria i ka marrë besoj disa rrethana për bazë e në këtë drejtim një nga rrethanat lehtësues në kuptim të nenin 70 të Kodit Penal është rasti kur i pandehuri e pranon fajësinë, përkatësisht arrin marrëveshje për pranim të fajësisë. Vepra tjetër penale poashtu e përcaktuar me nenin 404 pjesëmarrja në turmë për të kryer vepër penale ose huliganizëm ndëshkueshmëria e së cilës është nga gjashtë muaj deri në 5 vite burgim ose edhe nëdim me gjobë”, ka sqaruar Bajraktari në emisionin “Ditari” në Tëvë 1.
Ai ka thënë se të dy veprat janë brenda limitive të përcaktuara.
“Dy veprat janë brenda limitieve të përcaktuara në dispozitat respektove të Kodit Penal por që natyrisht besoj që i ka marrë për bazë gjykata por edhe prokuroria edhe rrethanat e tjera, përfshirë faktin në rast se i njëjti ka rënë ndesh përherë të parë me ligjin, madje edhe faktin që ka arritur marrëveshje për pranin e fajësisë”, ka thënë ai.
Pas arritjes së marrëveshjes për pranim fajësie mes Prokurorisë Speciale dhe të akuzuarit Sllobodan Miletiq, Gjykata Themelore në Prishtinë e ka dënuar me dy vite burgim me kusht dhe me 9 mijë e 500 euro gjobë të akuzuarin Miletiq për sulmin gjatë protestave të majit 2023 ndaj KOFR-it dhe Policisë së Kosovës.
Shpallja e aktgjykimit u bë të hënën nga gjykatësi i rastit, Vesel Ismaili.
Për veprën penale “Sulm ndaj personit zyrtar”, Miletiq u dënua me dy vite burgim, të cilin nuk do ta vuajë me kusht që brenda periudhës 4-vjeçare të mos kryejë vepër penale. Ndërkaq, për
“Pjesëmarrje në turmë që kryen vepër penale dhe huliganizëm”, u dënua me 6 muaj burgim, i cili dënim iu zëvendësua me 9 mijë e 500 euro gjobë.
