Skuadra e Beshiktashit do ta bëjë edhe një tentim të fundit për shërbimet e mbrojtësit të Shqipërisë, Ardian Ismajli.
Të premten është raportuar se Beshiktashi po insiston në transferimin e Ismajlit, i cili është pjesë e skuadrës së Empolit që bën gara në Serie A të Italisë.
Në Turqi, afati kalimtar i verës mbyllet të premten në mesnatë dhe marrëveshja mes klubeve ka gjasa të arrihet në momentet e fundit.
Ismajli po shihet si përforcim i duhur për mbrojtjen te Beshiktashi, ekip që për kartonin e tij është gati të shpenzoi mbi 3 milionë euro.
27-vjeçari është pjesë e Empolit prej vitit 2021 dhe ka kontratën deri vitin tjetër, ndërsa këtë sezon ka regjistruar 3 paraqitje në kampionatin italian.
Pjesë e Beshiktashit, tashmë janë Milot Rashica e Ernes Muçi dhe nëse Ismajli i bashkohet ekipit turk, atëherë numri i futbollistëve shqiptar do të shtohej në tre.
