Shërbimi Korrektues i Kosovës ka njoftuar se të shtunën në Qendrën e Paraburgimit të Gjilanit, gjatë kontrollit të pranimit të një të burgosuri, në rrobat e tij është gjetur një substancë e dyshuar narkotike.
Sipas ShKK-së, substanca e dyshuar narkotike është lokalizuar, ndërsa për rastin është njoftuar policia.
“Shërbimi Korrektues i Kosovës mbetet i përkushtuar në luftimin e kontrabandës brenda institucioneve korrektuese dhe nuk do të tolerojë asnjë veprim që rrezikon rendin dhe sigurinë e këtyre institucioneve”, thuhet në njoftim./teve1.info/