Edon Zhegrova nuk do të largohet nga Lille, në ditën e fundit të afatit kalimtar edhe pse për të është interesuar së fundit edhe Manchester Unitedi.
Lajmin e ka bërë të ditur gazetari i specializuar për transferime Fabrizio Romano.
Sipas gazetarit italian, drejtuesit e klubit francez Lille, nuk do ta lëshojnë Zhegrovën në këtë merkato, edhe pse kishte interesim nga ekipe të Premier Leagues.
“Lille nuk do ta lë të largohet Edon Zhegrova sot, pavarësisht lidhjes me Manchester Unitedin”, ka shkruar Romano.
Zhegova ka shpërthyer në vitin e fundit,derisa ishte më meritori që klubi francez e siguroi pjesëmarrjen në Ligën e Kampionëve, me dy gola të shënuar në Play-Off.
Çmimi i futbollistit shqiptar vlerësohet të jetë 25 milionë euro.
