Policia e Kosovës, ka njoftuar se një person është plagosur dhe gjashtë të tjerë janë lënduar si pasojë e gjuajtjes me armë zjarri, në një lokal nate në fshatin Topliqan të Suharekës.
Sipas njoftimit, nga hetimet e para mësohet se në vendin e ngjarjes në parkingun e një lokalit hotelier janë gjetur 10 gëzhoja të cilat dyshohet se janë shkrepur nga arma automatike kallashnikov.
Ndërsa, me urdhër të Prokurorit të Shtetit, janë bastisur shtëpia dhe lokalet përcjellëse të njërit nga të dyshuarit i cili nuk është gjetur në shtëpi dhe tashmë është në kërkim policor.
Gjatë bastisjes nuk është gjetur asgjë e dyshimtë, kurse rasti po cilësohet si “vrasje në tentativë”./teve1.info/
