Krasniqi ka thënë se Masakra e Mejës është ndër masakrat më të mëdha të kryera në Kosovë.
“Masakra e Mejës, ndër më të mëdhatë të kryera në Kosovë, shpërfaq barbarinë e një regjimi, qëllimi i vetëm i të cilit ishte spastrimi etnik i shqiptarëve”, ka thënë ai.
Sipas tij, gjurmët e këtyre krimeve nuk mund të fshihen, shkruan teve1.info
Tutje Krasniqi ka thënë se zbardhja e fatit të të pagjeturve dhe ndëshkimi i krimineleve të luftës do të jenë kërkesat e Kosovës.
“Zbardhja e fatit të të pagjeturve dhe ndëshkimi i kriminelëve të luftës, do të jenë përherë kërkesat e Kosovës derisa drejtësia të vihet në vend”, ka thënë lideri i PDK-së.
