Deputeti shqiptar në Kuvendin e Serbisë, Shaip Kamberi ka publikuar edhe një mbishkrim antishqiptar në Bujanoc.
Sipas tij mesazhet kërcënuese për shqiptarët në Bujanoc janë shndërruar në përditshmëri.
“Sot, në hyrjen e repartit për fëmijë, në Shtëpinë e shëndetit në Bujanoc, është vendosur ky mbishkrim. ‘Vdekje shqiptarëve. Nuk ju duam. Kosova është Serbi’. Ky është mesazhi i dytë brenda një jave i këtij lloji”, ka shkruar Kamberi në Facebook.
Gjuha e urrejtjes e kërcënimet ndaj shqiptarëve në Bujanoc sipas tij kanë marr hov.
Ndryshe, para disa ditësh, ishte shfaqur grafiti “Vdekje shqiptarëve” në oborrin e Shtëpisë së Shëndetit në Bujanoc. Për mbishkrimin “vdekje shqiptarëve” kishte reaguar Kamberi duke e quajtur reagim albanfob në Bujanoc.
