Kryetari i Komunës së Shtimes, Qemajl Aliu ka njoftuar se ka pranuar një donacion – pranimin e një automjeti të zjarrfikësve nga partnerët gjermanë të Qarkut Unna, konkretisht nga vendbanimi Ëahlbach në Nordrhein Ëestfalen.
Ai ka bërë të ditur se ky automjet i ri dhe modern do të luajë rol kyç në rritjen e kapacitetit dhe efikasitetit të shërbimit të kësaj komune.
“Në prani të mikut të Shtimes dhe të gjithë kombit shqiptar, ish-deputetit të Kuvendit të NRË-së, z. Falk Heinrichs me vendlindje në Ëahlbach nga ku ka ardhur ky automjet, jemi të lumtur që pranuam tashmë edhe automjetin e zjarrfikësve si donacion nga miqtë dhe partnerët tanë të dashur nga Qarku Unna në Nordrhein Ëestfalen, në Gjermani. Ky automjet i ri dhe modern që nga sot do të luajë rol kyç në rritjen e kapacitetit dhe efikasitetit të shërbimit tonë lokal të zjarrfikësve, duke ndihmuar në mbrojtjen e Komunës tonë dhe reagimin më të shpejtë e më efektiv ndaj situatave emergjente të zjarreve”, ka shkruar ai në Facebook.
Ai më tej, ka thënë se falë këtij partneritetit me ndihmën dhe përkushtimin e Qytetarit të Nderit të Shtimes Hartmut Ganzke, Mdl më parë ka pranuar edhe një automjet për mbledhjen e mbeturinave.
“Falë këtij partneriteti, me ndihmën dhe përkushtimin e Qytetarit të Nderit të Shtimes, z. Hartmut Ganzke, MdL më parë patëm pranuar edhe një automjet për mbledhjen e mbeturinave, i cili rritë ndjeshëm kapacitetin tonë për higjienë publike si dhe për menaxhim të mbeturinave. Presim me padurim vazhdimin e këtij bashkëpunimi të frytshëm me aleatët tanë nga Gjermania dhe kemi plane për projekte të tjera në fusha të ndryshme si sport, arsim, art dhe kulturë. Bashkëpunimi ynë me partnerët e Qarkut Unna është shembull i shkëlqyer i asaj që mund të arrihet kur punojmë së bashku për një qëllim të përbashkët dhe për të mirën e banorëve tanë”, theksoi Aliu./teve1.info/
