Demhasaj tha se rasti i ambasadorit Berishaj në aspektin penal mundet mos me u zbardh asnjëherë sikur shumë raste të tjera që kanë ndodhur në Kosovë. Por, sipas tij, vet përfolja aq e madhe për këtë rast është e mjaftueshme që ambasadori të shkarkohet.
“Ky rast në aspektin penal mundet kurrë mos me u zbardh sikur plotë raste që ka ndodhur në Kosovë. Por fakti që është përfolur kaq shumë për këtë rast dhe për involvim të kaq shumë shteteve të kompanive me para me energji, mendoj që kjo është e mjaftueshme që të shkarkohet dhe pastaj me i hap rrugë edhe hetimit penal në cilindo shtet që ka mundësi”, tha Demhasaj në emisionin “Këndi i Debatit” në Tëvë1.
Ai kritikon Qeverinë dhe deputetët që mbrojtën ambasadorin Berishaj, pasi siç u shpreh ai, ambasadori nuk e ka dhënë asnjë arsye në publik për t’u mbrojtur ndaj pretendimeve për të.
“Ambasadori në fjalë edhe pse prezumimin e ka me Kushtetutë asnjë arsye të vetme në publik nuk e ka dhënë për t’u mbrojtur prej këtyre pretendimeve, thjesht është deklaruar që është jo fajtor. Dhe kjo po më dhemb se si Qeveria dhe deputetë të caktuar dalin dhe e mbrojnë madje ka pasur edhe asi krahasime që e konsiderojnë si ari. Ky është ai vrulli ballkanik që e mbrojnë dikë ende pa e njohur”, tha Demhasaj. /teve1.info/
