Atë ditë u ndanë 2.3 milionë euro për kuponë ushqimi për këto familje.
Meqenëse, në mbledhjen e Qeverisë nuk u dhanë hollësi rreth kësaj ndarjeje buxhetore, familjarët në nevojë nuk janë në dijeni se si mund të përfitojnë nga kjo mbështetje.
Tëvë1 ka pritur për rreth një javë që të marrë një përgjigje nga Ministria e Financave për këtë çështje, por zyrtarët e kësaj ministrie nuk i janë përgjigjur interesimit të televizionit.
Një muaj më parë, ministri i Financave, Hekuran Murati, ka treguar se ka hapur thirrjen për mbështetje të organizatave dhe entiteteve që shpërndajnë pako ushqimore për familjet në nevojë.
Mbështetja, siç pati shpjeguar ai, do të jetë varësisht nga kapaciteti shpërndarës që ka organizata, me dy kushte bazike: që pakoja ushqimore për familje të jetë deri
në 50 euro për familje; dhe së paku 70% e vlerës së pakos të jetë produkte vendore.
Kronika e realizuar nga Albiona Hajdari
