Asociacioni i Gazetarëve të Kosovës ka bërë të ditur se është duke vazhduar përsëri targetimi dhe sulmet e Vetëvendosjes kundër medieve dhe AGK-së.
AGK-ja thotë se Zyrtarja e Vetëvendosjes, Dejona Mihali ka kërkuar hetime ndaj medieve të Kosovës për pretendimet e gazetës bonjake që sipas saj, “është një gazetë investigative, dhe nuk është një gazetë regjimesh”.
“Mihali gjithashtu i ka bërë thirrje AGK-së, të kërkojë hetime duke shkruar se “Asociacioni i gazetarëve do të ishte më mirë të tregonte profesionalizëm dhe të sugjeronte hetime për rastin që kolegët gazetarë boshnjakë kanë publikuar. Pra, nëse vërtetë Vuçiq dhe rrjeti i tij kriminal ka dorë brenda në Kosovë”, thuhet në njoftimin e AGK-së.
Derisa, AGK-ja ka thënë se thirrja për hetime ndaj një shkrimi pa autor, është e paparanueshme dhe ka për qëllim intimidimin e gazetarëve në Kosovë.
“Për AGK-në, qëndrimi i fundit i Mihalit vjen në serinë e sulmeve të koordinuara të pushtetit të Vetëvendosjes kundër medieve dhe gazetarëve në Kosovë. Thirrja për hetime ndaj një shkrimi pa autor, që nuk ofron asnjë fakt e dëshmi për pretendimet e veta, është e papranueshme dhe ka për qëllim intimidimin e gazetarëve në Kosovë”, ka thënë AGK-ja./teve1.info/
