Deputeti i pavarura i Kuvendit të Kosovës, Haki Abazi, ka vlerësuar se vendimi i Këshillit të BE-së që serbët e Kosovës të lëvizin lirshëm në zonën me Schengen me pasaportat të Serbisë, tregon se koncepti i sovranitetit të dyfishtë ka filluar të zbatohet.
Ai ka thënë se kjo gjë është gabim dhe rrezik i madh.
“Konceptimi i sovranitetit të dyfishtë ka filluar të implementohet qysh sot me pranim e pasaportave të qytetareve serb, duk ju shkruar përbrenda vendbanimi i tyre, sikur ato i takojnë edhe Kosovës edhe Serbisë. Dhe ky është edhe gabim edhe rrezik i madh”, ka thënë Abazi në emisionin “InfoNata” në Tëvë 1.
Abazi i cili ka qenë kryetar i Komisionit për Punë të Jashtme të Kuvendit të Kosovës, ka thënë se kjo e ka një të mirë. Sipas tij me këtë Bashkimi Evropian ka dashur të hedhë poshtë argumentin e Vuçiqit se serbët në Kosovë nuk kanë të drejta.
“Është një gjë pozitive nga kjo punë dhe e di që nga kokat e nxehta dhe militantet është vështirë që mund të kenë kohë për të marrë frymë, para se ta dëgjojnë argumentin. BE do ta çarmatos Vuçiqin, se serbët në Kosovë janë të rrezikuar, që është argumentimi që vazhdimisht Vuçiq është duke e bërë në BE”, ka vlerësuar ai.
Por, për vendimi i sotëm i BE-së sipas tij është rezultat i dështimit të të gjitha qeverive të Kosovës.
Abazi ka thënë se ky vendim është “kostoja që po e paguajmë si rezultat i mungesës së komunikimit dhe marrëdhënieve të drejtpërdrejta me institucionet e Bashkimit Evropian”.
Vendimin e Këshillit të BE-së e kanë kundërshtuar Presidenca dhe Qeveria e Kosovës.
Kurse opozita e ka quajtur dështim të Qeverisë së Kosovës.