Joe Biden president aktual i Shteteve të Bashkuara të Amerikës ka dhënë dorëheqje nga gara presidenciale.
Lajmin e ka bërë të ditur vet Biden.
Përmes një deklarate të lëshuar në rrjetet sociale, Biden ka thënë se beson që tërheqja nga gara është në interesin më të mirë për Partinë Demokratike dhe SHBA-në, në mënyrë që të fokusohet tërësisht në kryerjen e mandatit që ka aktualisht.
“Derisa synimi im ka qenë të kërkojë rizgjedhje, besoj se është në interes që unë të tërhiqem dhe të fokusohem në përmbushjen e detyrave si president për pjesën e mbetur të mandatit tim”, ka shkruar ndër të tjera Biden.
Ky vendim vjen pas thirrjeve në rritje për largim të Bidenit nga gara për zgjedhjet e nëntorit, sidomos pas një debati që ka zhvilluar me kandidatin e republikanëve për president, Donald Trump, në të cilin nuk ka pasur performancë të mirë.
Kandidati demokrat kohëve të fundit kishte pasur probleme shëndetësore.
Ai ishte shfaqur disa herë në mënyra të çuditshme në publik, ku edhe ishte rrëzuar gjatë ecjes në skena por edhe shkallëve të aeroplanit.
Ndonëse kishte thënë se ndihet mirë dhe do të largohej nga gara vetëm nëse një gjë të tillë ia kërkon mjeku.
Së fundi Biden kishte rezultuar pozitiv me Covid-19.
Nuk dihet se kush do të jetë kandidati i Partisë Demokratike për president të ShBA-së.
Ndonëse ishte përmendur si mundësi nënpresidentja aktuale Kamala Harris, nëse Biden do të largohej nga gara.
— Joe Biden (@JoeBiden) July 21, 2024
