Një lokal afarist në Mitrovicë të Veriut është sulmuar me koktej molotovi, mëngjesin e sotëm.
Kështu ka bërë të ditur për Tëvë1, zëvendësdrejtori i Policisë së Kosovës për rajonin e veriut, Veton Elshani.
Ai ka njoftuar se ka pasur tentim për zjarrvënie në Mitrovicë të Veriut.
Sipas tij, dëmet materiale janë të vogla.
“Për momentin nuk kemi të dyshuar”, theksoi Elshani.
Ditë më parë, ministri i Punëve të Brendshme të Kosovës, Xhelal Sveçla, së bashku me ish-kryetarin e Mitrovicës së Jugut, Agim Bahtiri, kishin qëndruar në pastiçerinë që u bë cak i sulmit me koktej molotovi më 14 korrik. Pronarët e lokalit janë pjesëtarë të komunitetit goran.
I pyetur nëse sulmi ndaj këtij lokali u krye në shenjë hakmarrjeje për vizitën e Sveçlës, Elshani tha se “nuk përjashtohet” që ky të jetë motivi i sulmit./teve1.info/
