Tre presona janë arrestuar nga Policia e Kosovës, në orët e para të së shtunës në Lagjen e Spitalit në Prishtinë.
Njëri nga ta dyshohet se ka sulmuar një zyrtar policor, ndërkohë dy të tjerët dyshohet se kanë penguar policët në kryerje të detyrës.
Policia në raportin ditor ka bërë të ditur se si pasojë e sulmit fizik, polici ka pësuar lëndime trupore me ç’rast ka pranuar edhe tretman mjekësor.
Ndërkohë, me vendim të prokurorit të dyshuarit janë liruar dhe rasti ka vazhduar në procedurë të rregullt.
“Janë arrestuar tre të dyshuar meshkuj kosovarë, pasi njëri nga ta kishte sulmuar fizikisht zyrtarët policorë, kurse dy të tjerët i kishin penguar policët në kryerje të detyrës. Si pasojë e sulmit fizik, një zyrtar policor ka pësuar lëndime trupore për çka dhe ka pranuar tretman mjekësor. Me vendim të prokurorit të dyshuarit janë liruar, rasti vazhdon në procedurë të rregullt”, thuhet në njoftim./teve1.info/
