Kryetari i Prishtinës, Përparim Rama ka reaguar ndaj partisë së Lëvizjes Vetëvendosje dhe Partisë Demokratike të Kosovës, pasi që sipas kryetarit kanë bllokuar vënien në diskutim publik të Planit Zhvillimor të Prishtinës.
Rama ka thënë se ky dokument është i rëndësishëm për zhvillimin e kryeqytetit për periudhën 2024-2023.
Derisa, kryetari ka thënë se ky bojkot nga VV dhe PDK-ja është në dëm të qytetarëve të Prishtinës.
“VV dhe PDK u bënë bashkë për të bllokuar vënien në diskutim publik të Planit Zhvillimor të Prishtinës, i cili është dokumenti më i rëndësishëm për zhvillimin e Kryeqytetit për periudhën 2024 – 2032. Ky bojkot nga VV dhe PDK, është në dëm të qytetarëve të Prishtinës sepse ua pamundëson të drejtën e tyre ligjore dhe kushtetuese për kontribut në këtë dokument të rëndësishëm”, ka reaguar Rama në Facebook./teve1.info/