Me rastin e 25 vjetorit të Çlirimit të Kosovës është promovuar libri “Lufta e Kosovës 1997-1999” me autorë historianin Durim Abdullahu dhe studiuesen Daviola Ndoja.
I pranishëm në këtë ngjarje ishte edhe kryeministri i Kosovës Albin Kurti, i cili tha se ky është libri i parë, që përmbledh 7 mijë e 700 libra të tjerë që janë shkruar për luftën e Kosovës.
“Siç e kanë shpjeguar autorët Abdullahu dhe Ndoja në librin e tyre vetëm 600 libra prej tyre apo më pak se 8% janë shkruar nga autorët shqiptar qëdmth se pjesa tjetër janë shkruar nga autorët ndërkombëtar”, tha Kurti.
Autori i këtij libri Durim Abdullahu ka treguar për përmbajtjen e librit, i cili tha se i’u ka marrë kohë më pak se dy vite për shkrimin e tij.
“Ky libër përshfaq çka kanë shkruar për luftën e Kosovës autorët shqiptar, serb dhe veçanërisht autorët ndërkombëtar që janë shumicë në këtë literaturë”, tha autori.
Edhe bashkë autorja Ndoja tha se studimin e kanë bazuar në dhjetëra biblioteka në kontinentet e botës, nga ku kanë gjetur se librat janë shkruar në 28 gjuhë të tjera.
“Hulumtimi parësor i këtij studimi është bërë përmes mbledhjes se informacioneve të faqeve zyrtare në internet të 45 bibliotekave ndërkombëtare në 4 kontinente gjatë periudhës 2022-24”, tha bashkëautorja, Daviola Ndoja.
Në bibliotekën kombëtare janë ekspozuar edhe disa libra të përzgjedhur për shkrimin e këtij libri.
