Deputeti i LDK-së, Armend Zemaj ka thënë se Qeveria e Kosovës ka anuluar sot listën e çmimeve të produkteve medicinale.
Ai ka thënë se kjo është lojë e ndyrë e Qeverisë dhe sipas tij vetëm pasi i dolën në shesh përfitimet personale, e anulojnë.
“Para tre jave është miratuar lista e çmimeve të produkteve medicinale. Sot, u anulua! Çfarë dobësie! Çfarë loje e ndytë! Interesin e pacientit të varfër, kjo Qeveri e ka shkelur me dy këmbë, në vazhdimësi po abuzon me të. E kjo veç për shkak të akomodimit të interesave personale financiare dhe interesave të mafisë farmaceutike.
Kur ju doli në shesh përfitimi personal, e anulojnë. Kaq dinë kaq mund të bëjnë ky pushtet!Ja disa shembuj që shpërfaqin tendencën për abuzim me çmime”, ka shkruar ai në Facebook.
