Policia e Kosovës sot do të mbajë ushtrim fushor ndërinstitucional tek terminali doganor, pranë Aeroportit të Prishtinës – duke filluar nga ora 09:00.
Qëllimi i këtij ushtrimi është simulimi i skenarëve të ndryshëm, për të siguruar një reagim efektiv.
”Me datë 5 Qershor 2024 afër Aeroportit të Prishtinës, (terminali doganor) nga ora 09:00 është paraparë të mbahet një Ushtrim Fushor Ndërinstitucional. Qëllimi i ushtrimit fushor është praktikimi i koordinimit midis institucioneve -agjencive duke simuluar skenarë të ndryshëm për të siguruar një reagim efektiv. Policia e Kosovës informon opinionin dhe mediat se ushtrimi fushor përfundon rreth orës 13:30, falënderon qytetarët për mirëkuptimin e treguar gjatë zhvillimit të aktiviteteve të tilla dhe ri-konfirmon angazhimin e institucioneve për të mbajtur një ambient të qetë dhe të sigurt për të gjithë”, thuhet në njoftimin e plotë të Policisë së Kosovës.
