Interi ka konfirmuar se Beppe Marotta është emëruar president i klubit italian.
Marrota në ketë post është emëruar nga pronarët e rinj të Interit, fondi amerikan “Oaktree”.
67-vjeçari ka shërbyer tek Interi si drejtor i përgjithshëm prej vitit 2018, ndërsa një rol të till për tetë vjet e ka mbajtur edhe te skuadra e Juventusit.
Prejse Marotta është pjesë e Interit, klubi ka fituar pesë trofe në të gjitha garat, përfshirë dy tituj kampioni të Italisë. Prej tani, Marotta që është njëri prej drejtorëve më me përvojë në futbollin italian, do të ketë një rol krejtësisht tjetër.
Marotta ka falënderuar pronarët e rinj të klubit për besimin e dhënë dhe ka thënë se do të bëjë më të mirën për Interin edhe në rolin e presidentit. Së fundmi, Marotta kishte rinovuar kontratën që i skadonte me Interin në vitin 2027.
Fondi amerikan “Oaktree” në muajin maj ka marrë kontrollin mbi klubin italian pasi presidenti i mëparshëm Steven Zhang kishte dështuar të paguante borxhin në vlerë prej 400 milionë eurosh.
