Në rigjykim, Gjykata Themelore në Prishtinë ua ka ulur për 5 vite dënimin me burgim 4 të akuzuarve të përfshirë në dhunimin e 11 vjeçares, duke i dënuar me 35 vite burgim.
I akuzuari Ekrem Rexhepi është dënuar me 14 vite për veprën penale të dhunimit, një vit më pak se që ishte dënuar me vendimin e parë.
Kurse tre të dënuarit e tjerë të moshës së mitur, janë dënuar me nga 7 vite burgim përdhunim, dhe keqpërdorim të fëmijëve në pornografi.
Kurse ndaj njërit të mitur është veçuar procedura.
Në gjykatore ishte i pranishëm vetëm Ekrem Rexhepi, ndërsa pas përfundimit të seancës, nuk janë prononcuar as avokatët e të dënuarve.
Ky është grupi i parë që fillimisht ishte dënuar në këtë rast me 40 vite burgim nga gjykata e shkallës së parë, por gjykata e Apelit e kishte kthyer rastin në rigjykim.
Ndërkaq, grupi i dytë para një muaji është dënuar me 62 vite burgim për përfshirje në rastin e dhunimit të 11 vjeçares në qershor të vitit 2022.
Prokuroria Themelore në Prishtinë, Departamenti për të Mitur më 8 dhjetor 2022 kishte ngritur aktakuzë ndaj pesë persona vetë akuzuar për përfshirje në rastin i cili ka ndodhur në muajin gusht të vitit 2022, ndaj 11-vjeçares.
Të gjitha seancat në këtë rast si dhe shpallja e vendimit kanë qenë të mbyllura për publikun.
