Eksperti i Politikave të Sigurisë dhe Gjeopolitikës, Ilir Kulla ka krahasuar Presidentin e Serbisë Aleksandër Vuçiq me diktatorin Adolf Hitler.
“Hitleri thoshte për një ushtarë gjermanë ose oficerë gjermanë do vriten 10 nga ai popull… Vuçiqi 1 me 100 thotë. Nëse e keni kurajon ta vrisni një serbë, ne do të vrasim 100, Hitleri e ka pasur 1 me 10, Hitleri thoshte për 1 ushtarë gjermanë ose oficerë gjermanë do të vriten 10 nga ai popull”, ka thënë Kulla në “MATRIX” me Mehmet Kalisin në Tëvë1.
“Unë kam pasur disa vite një bisedë me presidentin e Sllovenisë, Pahor i cili do të jetë ndoshta emisar i ardhshëm për dialog dhe ai më tha ore pse e sulmon kaq shumë Vuçiqin… – i thash sepse ky është biri i atyre që vranë Xhinxhiqin” – tha Kulla.
Kulla ka treguar edhe një përvojë personale, kur ishte duke shikuar një ndeshje futbolli në stadiumin e Partizanit të Beogradit, derisa tregoi thirrjet nacionaliste që bëheshin, e që loja nuk kishte të bënte aspak me shqiptarët.
“Në vitin 2001 ndoshta ose 2002 kam qenë në një ndeshje në stadiumin e Partizanit të Beogradit, luante Partizani i Beogradit me një klub të vendeve perëndimore dhe në kurrizin tim ishin tifozët e Partizanit të Beogradit dhe bërtisnin gjithë kohës në stadium: Ratko Mlladiq dhe atë Radovan Karadiq dhe vrite-vrite shqiptarin dhe aty s`kishte fare ndeshje me shqiptarë, tha Kulla./teve1.info/