Skuadra e Comos që do të luaj sezonin tjetër në Serie A të Italisë, ka shprehur interesim për sulmuesin e Kombëtares së Shqipërisë, Rey Manaj.
Como është promovuar në elitën e futbollit italian pas një kohe të gjatë, ndërsa drejtuesit e klubit po synojnë transferimin e Manajt gjatë kësaj vere.
Manaj ka kontratë me Sivassporin deri në vitin 2026, por ditë më parë njoftoi për largimin e tij nga klubi turk, i cili ka konfirmuar interesimin për të nga Italia e Franca.
Manaj shkëlqeu këtë sezon te Sivasspori duke shënuar 22 gola në të gjitha ndeshjet, ndërsa përfundoi i treti në listën e golashënuesve të Superligës pas Mauro Icardit e Edin Xhekos.
Në kampionat Manaj shënoi 18 gola, ndërsa është ftuar nga trajneri i Shqipërisë, Sylvinho për “Euro 2024”.