Sulmuesi Albion Rrahmani është përfshirë në ekipin më të mirë të sezonit në Rumani.
Liga rumune, të mërkurën ka publikuar formacionin më të mirë të sezonit 2023/24 dhe Rramani ka zënë vend në fazën e sulmit me sistemin e lojës 4-3-3.
Në fakt, Rrahmani është njëri prej dy lojtarëve të Rapidit të përfshirë në 11-shen më të mirë, bazuar në statistikat fantastike që i pati në sezonin e parë në Rumani.
23-vjeçari iu bashkua Rapidit nga Ballkani verën e shkuar dhe shënoi 17 gola e bëri 5 asistime në 26 paraqitje në të gjitha garat.
Edhe pse ka kontratë me ekipin rumun deri në vitin 2026, Rrahmani pritet të largohet këtë verë pasi ka tërhequr vëmendjen e shumë skuadrave.
Napoli, Bologna, Rangersi, Aston Villa, Benfica e Werder Bremeni janë vetëm disa prej ekipeve të interesuara për Rrahamanit, kartoni i të cilit po vlerësohet rreth 10 milionë euro nga Rapidi.
