Ish-selektori i Gjermanisë, Hansi Flick do të prezantohet të mërkurën në postin e trajnerit te skuadra e Barcelonës, kanë njoftuar të martën mediumet spanjolle.
Flick me Barcelonën do të firmos kontratë dyvjeçare dhe do të ketë pagë vjetore prej tre milionë eurosh, plus bonuse për ta fituar Ligën e Kampionëve dhe kampionatin e Spanjës.
Në postin e trajnerit, Flick do ta zëvendësoj Xavi Hernandezin, i cili u shkarkua ditë më parë edhe pse kishte kontratë deri në vitin 2025.
Flick 59-vjeçar, prej vitit 2023 kur u largua nga Gjermania është i papunë, ndërsa ka qenë edhe trajner i Bayern Munchenit e Hoffenheimit. Për dy sezone sa qëndroi në krye të Bayernit, Flick fitoi gjashtë trofe duke dominuar në futbollin gjerman dhe atë evropian.