Deputetja e Partisë Demokratike të Kosovës, Ariana Musliu Shoshi, ka reaguar ndaj letrës që ministrja e Punëve të Jashtme, Donika Gërvalla e ka adresuar te presidenti i Asamblesë Parlamentare të Këshillit të Evropës, Theodoros Rousopoulos.
Ajo tha se kryeministri, Albin Kurti dhe ministrja, Gërvalla propagandën dhe mashtrimin e kanë për konsum të brendshëm dhe kjo nuk iu ec më shtetet e KiË-së.
Musliu-Shoshi tutje tha se aleatët tanë janë besnik ndaj Kosovës dhe të ardhmes së saj, për të tjera diskutohet më vonë./teve1.info
Statusi i plotë i saj:
Albin e Donikë, propagandën e mashtrimin ruane për konsum të brendshëm NUK iu ecë me shtetet e KiE—së!
E para, dhe më e rëndësishmja adresimi i letrës është GABIM, sepse APKiE e ka dhënë qëndrimin!
E dyta, të anëtarësohesh në një organizatë duhet të tregosh seriozitet si shtet dhe JO shtet me surpriza pasi përçon pamaturi dhe kjo dëmton perceptimin që Kosova me vështirësi e ka ndërtuar, atë të shtetit serioz. Prandaj këto lëvizje e qëndrime të çoroditura janë shembuj jo ndihmës për një imazh të shtetit serioz. Maturia dhe pjekuria është një kriter i rëndësishëm i konsolidimit të shtetit.
E treta, mos merrni hapa që t’i thuhet KiE-së se ne u treguam të gatshëm dhe përsëri ju nuk morët vendim????
Aleatët tanë janë besnik ndaj Kosovës dhe të ardhmes së saj, për të tjera diskutohet më vonë.