Bordi i Federatës së Basketbollit të Kosovës (FBK) pas shqyrtimit të propozimeve të pranuara, ka marrë vendim që krahas përzgjedhësve, të emërojë anëtarët e Shtabeve Profesionale të Kombëtareve të Kosovës.
Më herët janë caktuar përzgjedhësit, derisa tashmë janë kompletuar edhe shtabet teknike, për të qenë sa më të gatshëm për garat ndërkombëtare, që do të zhvillohen gjatë verës.
Kosova A femrat, në Evropianin për Shtete të Vogla, që organizohet në Prishtinë është në Grupin A, ku do të ndeshet me Qipron dhe Maltën.
Kosova U20 te meshkujt që garojnë në Divizionin B, do të jetë në Grupin C, së bashku me Suedinë, Hungarinë, Armeninë, Ukrainën dhe Moldavinë.
Kosova gjatë verës do të organizojë edhe FIBA Kampionatin Evropian, U18 te femrat, Divizioni C. Edhe vashat e reja të Kosovës do të ndeshen me Qipron dhe Maltën, kurse në Grupin B janë: Shqipëria, Gjeorgjia, Armenia dhe Azerbajxhani.
Në konkurrencën e meshkujve U18, Kosova është në Grupin B, së bashku me Estoninë, Poloninë, Islandën, Hungarinë dhe Zvicrën.
Kosova U16 te femrat është caktuar në grup me Sllovakinë, Ukrainën, Islandën dhe Turqinë.
Në konkurrencën e meshkujve, Dardanët e rinj janë në grup me San Marinon, Gjibraltarin dhe Armeninë. Ky kampionat zhvillohet në Tiranë të Shqipërisë.
Kosova A Femrat
- Viktor Kovac (Përzgjedhës)
- Edona Thaqi
- Molos Serqa
- Ynem Berisha
- Beriana Makolli & Kujtim Shala
Kosova U20 Meshkujt
- Dritëro Sefaja (Përzgjedhës)
- Endrit Elshani
- Andin Rashica
- Agron Haliti
- Kujtim Shala
Kosova U18 Meshkujt
- Brahim Veseli (Përzgjedhës)
- Elbesar Gështenja
- Yagiz Sertoglu
- Albion Shabani
- Mert Zekerija
Kosova U18 Femrat
- Lorik Kllokoqi (Përzgjedhës)
- Aurora Muhaxheri
- Egzon Uka
- Beriana Makolli
Kosova U16 Meshkujt
- Dion Pllana (Përzgjedhës)
- Dëfrim Hashani
- Dorant Hana
- Olt Aliu
- Agron Haliti
Kosova U16 Femrat
- Hasan Bytyqi (Përzgjedhës)
- Melda Baliqi
- Valbona Bytyqi
- Deniz Sungur
- Destan Sedolli
