Rapid Bukureshti ka kthyer prapa edhe ofertën e ekipit tjetër nga Çekia, Sparta Pragës për sulmuesin Albion Rrahmani.
Sparta ka ofruar 2.5 milionë euro për transferimin e 23-vjeçarit këtë verë, por Rapidi e ka refuzuar duke vepruar ngjashëm sikurse ndaj ofertës së Slavia Pragës.
Për ta lënë të lirë reprezentuesin e Kosovës në fund të edicionit, ekipi nga Rumania po kërkon të paktën 8 milionë euro dhe është i hapur ndaj të gjitha ofertave për Rrahmanin.
Rrahmani pritet të largohet nga Rapidi pasi ka tërhequr vëmendjen e shumë skuadrave, përfshirë këtu Napolin, Ëerder Bremenin, Aston Villan e Benfican.
Në edicionin e tij të parë në Rumani, Rrahmani ka shënuar 17 gola për Rapidin, ekip me të cilin ka kontratë deri në vitin 2026. Ai u transferua te Rapidi nga Ballkani i Suharekës për 600 mijë euro.
