Në fillimin e punimeve të konferencës për këtë ushtrim i pranishëm ishte edhe Komandanti i Forcës së Sigurisë së Kosovës gjenerallejtënant Bashkim Jashari.
Gjeneral Jashari theksoi rëndësinë që ka ushtrimi “Defender Europe 23” për FSK-në, dhe prioriteti që do t`i kushtohet këtij ushtrimi në realizimin e objektivave dhe arritjen e kapaciteteve operacionale, duke ofruar mbështetjen e tij të pakursyer gjatë si gjatë fazës së përgatitjes ashtu edhe të ekzekutimit të ushtrimit, thuhet në komunikatën e FSK-së.
Kosova do të jetë vend pritës i partnerëve dhe vendeve të rajonit, ky ushtrim ndërkombëtarë udhëhiqet nga Ushtria Amerikane për Evropë dhe Afrikë ku sipas planifikimeve parashihet pjesëmarrja e 28 shteteve anëtare të NATO-s dhe partnerëve dhe realizohet në disa vende të Evropës dhe Ballkanit perëndimor./teve1.info/
