“Sunduesve i pengon liria e shprehjes dhe ajo e medieve”, ka shkruar kryetari i Aleancës për Ardhmërinë e Kosovës, Ramush Haradinaj, në Ditën Botërore të Lirisë së Medieve.
Sipas Haradinaj, mbetet shqetësuese qasja e pushtetit me sulme të orkestruara ndaj medieve si dhe tendenca për kontroll ndaj tyre.
“Sunduesve i pengon liria e shprehjes, liria e mediave! Mbrojtja e gazetarëve dhe medias së lirë është ndër parimet e panegociueshme dhe është obligim institucional e shoqëror ta ruajmë dhe avancojmë këtë segment të lirisë sonë! Sot në Ditën Botërore të Lirisë së Mediave, reflektojmë mbi rëndësinë e lirisë së fjalës dhe lirisë së medias. Shqetësues mbetet qasja e eksponentëve të pushtetit me sulmet e orkestruara që i bëjnë mediave dhe tendenca për kontroll ndaj tyre, duke shënuar regres alarmant sa i përket lirisë së medias, i vërtetuar edhe nga raportet e institucioneve kredibile ndërkombëtare”, ka shkruar Haradinaj në Facebook.
Teksa në përfundim, kreu i AAK-së ka deklaruar se qëndrojnë krah medies, në mbrojtje e respekt ndaj fjalës së lirë./teve1.info/.
