Deputetja e Aleancës, Teuta Haxhiu, në emisonin “Këndi I Debatit” ka deklaruar se nuk sheh vullnet politik lidhur me ndryshimin e ligjit për Dhomat e Specializuara të Kosvës.
Ajo deklaroi se si deputete por edhe qytetare nuk ka parë se ka vullnet politik.
“Unë, si një deputete e Kuvendit të Republikës sonë, por mbi të gjitha edhe si qytetare, nuk po e shoh një vullnet për ta çuar përpara ligjin, pra të ndryshuar ndryshuar ligjin për Dhomat e Specializuara”, tha ajo.
Ajo tha se ka ligje të tjera që kanë kaluar në procedura të shpejta.
“Mendoj që jo. Është koha. Janë tri ditë.Nëse ka kaluar ligji në procedura të shpejta, në lexim të parë e në lexim të dytë, pa përfillur as Rregulloren e Kuvendit.Ka vullnet të njerëzve që nuk janë politikë për të ndihmuar me ekspertizat e tyre, me ndihmë juridike për ta bërë këtë ligj”, tha ajo.
Tutje ajo deklaroi se kanë kaluar 15 ditë dhe nuk ka pasur asnjë hap
“Koha po tregon, janë 15 ditë dhe për 15 ditë nuk e kemi pasur asnjë hap. Nuk ka diçka që është thirrur, një tryezë, me dyer të mbyllura, në fund të fundit, për të punuar për këtë ligj deri sa të vijë në Kuvend”, tha më tej ajo.
Ndërkohë, sot gjatë ditës kryetarja e Kuvendit, Albulena Haxhiu, deklaroi se pas situatës së krijuar pas 16 shtatorit nuk do të duhej që, siç tha ajo, askujt t’i shkonte në mendje që të bëjë veprime që nas shtyejnë drejt zgjedhjeve të reja.
