Në Ditën e të Zhdukurve të luftës së fundit në Kosovë, presidentja e vendit, Vjosa Osmani dhe Zyra e Kryeministrit do të bëjnë homazhe për personat e pagjetur ende.
Gjithashtu, do të organizojnë tubim përkujtimor.
Duke filluar nga ora 10:00, presidentja Osmani bën nderime te memoriali për të Pagjeturit, ndërsa Zyra e Kryeministrit në bashkëpunim me Këshillin Koordinues të Asociacioneve Familjare të të Zhdukurve të Kosovës, Shoqatën “27 Prilli 1999 Mejë”, organizon homazhe pranë përmendores dedikuar personave të zhdukur me dhunë gjatë luftës.
Ndërkohë, në ora 12:00, Osmani bën homazhe në kompleksin memorial në Meje të Gjakovës si dhe merr pjesë në tubimin përkujtimor, që do ta organizojë zyra e kryeministrit në bashkëpunim me Këshillin Koordinues të Asociacioneve Familjare të të Zhdukurve të Kosovës, Shoqatën “27 Prilli 1999 Mejë”.
