I ftuar në emisionin ”ResPublika në Tëvë1, Mustafa tha se duke e parë Serbia këtë interes po e luan një lojë të papërgjegjshme.
“Serbia për shkak të rëndësisë që e ka në Ballkanin Perëndimor tentohet edhe nga BE-ja edhe nga SHBA-ja të largohet nga orientimi drejt Federatës Ruse. Edhe Serbia normalisht duke e kuptuar këtë lloj interesi luan njëfarë loje të papërgjegjshme, do të thoja jo korrekte të një balancimi në mënyrë që të ulet në dy karrika që po thonë dhe tash kjo është një situatë e re. Lufta në Ukrainë që i ka kriju vështirësi establishmentit të Serbisë që ta luaj këtë, ta kamuflojë edhe më tutje këtë lojë të saj që dmth edhe me Bashkësinë Evropiane edhe me Rusinë. Por prap se prap po e shohim ne se edhe Bashkësia Evropiane, por edhe të tjerët nuk i kanë ngritë duart nga Serbia, mundohen ta tërhjekin”,tha ai.
Sipas Mustafës, Serbia po i bënë disa gjeste simbolike me leje të Rusisë.
“Serbia po i bënë disa gjeste simbolike unë besoj që janë dhe me leje të Rusisë, ai votimi në Kombe të Bashkuara edhe kjo tash që ishte përjashtimi prej të drejtave të njeriut. Këto janë çështje politike që Serbia i bënë ato kinse ne e gjykojmë Rusinë, e gjykojmë intervenimin por në realitet ne e shohim disponimin e opinionit që është pro agresionit rus në Ukrainë dhe ai disponim nuk është i rastit sepse politika ka artikulu krejt mediat a krejt arsenalin propagandistik që ne jemi me Rusinë edhe natyrisht që pak a shumë Rusia e ka ngërthy Serbinë në disa elemente. Energjia është një problem real që e ka Serbia, ku prishja me Rusinë do t’i kushtonte kosto të madhe”, shtoi tutje ai. /teve1.info/.
