Skuadra e Arsenalit është kthyer në krye të Premier Leagues pasi mposhti Chelsean në ndeshjen e mbetur të xhiros së 29-të.
Dueli i luajtur të martën mbrëma në “Emirates Stadium” u mbyll me fitoren e thellë të Arsenalit me rezultatin 5:0.
Me këtë fitore, Arsenali është ngjitur në krye të tabelës me 77 pikë, duke e lënë pas vetes Liverpoolin (74) dhe Manchester Cityn (73). Mirëpo, Liverpooli ka një kurse City dy ndeshje më pak të luajtura se Arsenali.
Në anën tjetër, Chelsea mbetet në pozitën e nëntë në tabelë me 47 pikë dhe regjistroi humbjen e 11-të kampionale këtë edicion.
Leaondro Troussard (4’), Ben White (52’, 70’) dhe Kai Havertz (57’, 65’) shënuan golat për fitoren e thellë të Arsenalit.
